أضف سؤال أو موضوع جديد          

الاسبوع الجاي بطلع مازدا 6 2018 محتار بين الستاندر والفل

up 3 down 3
محمد mohamad 11 12
قبل 6 شهر و أسبوع



السلام عليكم ورححمة الله وبركاتة

محتار بين الفل والعادي الفل كشكل الخارجية خوراافي والداخلية كذلك

الستاندر ميزته السعر وش رايكم ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ميزانيتك وانا خوك هي الي تفرض ان قدرت ع الفل فخذ ومتع نفسك وان كانت وضعك مايسمح فمد رجولك على قدر لحافك


up 3 down 1
هاوي707 183
قبل 6 شهر و أسبوع



أرشح لك الاستاندر فرق السعر جدا كبير وبالاخير سيارة نفس الفئة نفس المحركات اشوف حرام تدفع فرق حوالي 32 الف وانت عندك خيار ارخص بكثير مايختلف الا اكسسوارات


up 7 down 5
دكتوراه في الحب 169
قبل 6 شهر و أسبوع



خذ ستاندر بسعر الفل في خيارات أفضل أكورد أو افالون أو تورس


up 6 down 2
bloly 1160
قبل 6 شهر و أسبوع



بسعر الفل تاخذ سيارات 6 سلندر مثل الالتيما


up 5 down 5
abcde111 46
قبل 6 شهر و أسبوع



نفس المكينة والقير و الأمان و الضمان. اذا تهمك الإضافات و الاكسسورات ومستعد تدفع فوق ال30 الف خذها. لكن في شيء يقهر وقت البيع وهذا الشئ ينطبق على كل السيارات تقريبا. وقت ما تبيع الناس تتذكر سعر اقل نوع للسيارة حتى لو انك مطلعها اول مانزلت و من الوكالة و فل اوبشن, الناس وقت ماتبيع يتذكروا سعر اقل نوع ومن المعارض ووقت التصفية عليها :)


up 1 down 0
dell2012 689
قبل 6 شهر و أسبوع



الحيره الي أنت انا وقعت فيها :

ونصيحة من اخو محب . ماعليك من الناس وكلامهم . عليك من الي تميل له نفسك . وعقبها اسمع كلام الناس واخذ الي على الواقع ولا تاخذ منهم خويي ولا ولد عمي معه ولابطيخة

انا قبل لاشتري المكسيماء . احترت بخمس سيارات :
جينسيس . لكزس es. سوناتا . تورس . مكسيماء:
طبعآ ميزانيتي كانت 100الف
الجنسيس اقل مالقيت 110 خليجي موديل 2015 .
لكزس es مالقيت نظيف للامانة وان لقيت فهو غالي من موديل 2011 الى موديل 2015
سوناتا : لقيت ستاندر بي 68الف الشكل الجديد
تورس : ستاندر بي 80 .
مكسيماء : ستاندر بي 91الف جديد

طبعآ أستبعدت الجنسيس واللكزس . الاولى فوق ميزانيتي والثانيه مافيه نظيف ...
ررجعت على ثلاث سيارات . تورس مكسيما . سوناتا ... مواصفات التورس قليلة وغالي . واستبعدته
وصفيت على سيارتين ... سوناتا مكسيماء .. وسبق نزلت سوال بحراج اللكل يقول صرفيت بنزين الخ ...

سوناتا . راح تعيش معك 5 سنوات وكثر الله خيرها .. ووقتها ام بتكون مفككة او راح تطلب قطع ..
مكسيماء . بتعيش معك من 6 الى 8 سنوات قدام .. وعقبه تبداء تفتح فمها ..

النهايه والي انتهيت فيه . انا وش حاجتي من السياره . سفر . عزم . صلابه . تححمل .مواصفات . ورسيت على المكسيماء
والحمدالله مرتاح معه الى الحين ...


انت شف نفسك وش تميل له . واخذه ستاندر ولا فل . واذ ميزانيتك تمام اخذ الي تبيه . انت انسان مراح تبيع الاعقب 5 سنوات واكثر اذ كنا من الاحياء ان شاءلله
يعني وقته تغيرت الدنيا وتغيرت الرواتب وكل شي بيتغير


up 4 down 2
كحيلان طال عمره 283
قبل 6 شهر و أسبوع



انتظر ترى تغير الشكل ( فيس لفت)
يا تجي دفعه جديده ٢٠١٨ او بموديل ٢٠١٩ توصلنا


up 3 down 1
panamira 1869
قبل 6 شهر و أسبوع



الله يعطيكم العافية جميعا

والله يجزاك خير ياكحيلان ويبيض وجهك ماقصرت ياغالي


up 1 down 1
محمد mohamad 11 12
قبل 6 شهر و أسبوع



الفل كامل مافيها كلام
اذا ميزانيتك تسمح خذه بدون ماتفكر
والفرق بالسعر موفرق في الإكسسوارات وبس مثل مالناس متخيله
الفل يفرق بالانوار المتكيفه مع لفة الدركسون
والرادار وتنبية عند الخروج من المسار
وتنبية للنقطة العمياء
مكيف خلفي
شاشة أمامية
مكيف خلفي
بروجكتر لعرض السرعة وضغط المكينة وغيرها من المعلومات ( على الزجاج الأمامي )
هذي كلها أشوفها اشياء تستاهل فرق السعر
ناهيك عن الجنوط
والزنون
والاصطبات الخلفية ليد
وفتحت السقف
والمراتب الجلد
والنياكل
والجناح الخلفي



up 0 down 1
..original 185
قبل 6 شهر و أسبوع



عفواً مكيف خلفي مكرر مرتين وكنت أقصد الكاميرا الخلفية


up 1 down 2
..original 185
قبل 6 شهر و أسبوع



انت اسال نفسك تحتاج المواصفات الخورافية والسيارة ستاندر ومواصفاتها حلوه ستادنر ب67الف 2018


up 0 down 2
abo3edh 307
قبل 6 شهر و أسبوع



الخلاصة لو معانا دراهم الفل ماشرينا ستاندر ..


up 0 down 1
ابو محمد 4 266
قبل 6 شهر و أسبوع



شوف كل شيء مكتوب ومقدر 
انت اول انزل واتاكد هل موجودة الفل ولا لا ؟ يمكن يقول لك بعد شهر توصل هل تقدر تصبر ؟ 
عشان كذا اتاكد قبل كل شيء من الفئة وايضاً اللون 


up 0 down 0
king 191919 14
قبل 6 شهر و أسبوع



انصحك انتظر التحديث الجديد شوف الفيديو https://www.youtube.com/watch?v=u4npdbPF2Jw


up 1 down 0
الكاسر 1409 252
قبل 6 شهر و أسبوع