الاسبوع الجاي بطلع مازدا 6 2018 محتار بين الستاندر والفل

ميزانيتك وانا خوك هي الي تفرض ان قدرت ع الفل فخذ ومتع نفسك وان كانت وضعك مايسمح فمد رجولك على قدر لحافك

أرشح لك الاستاندر فرق السعر جدا كبير وبالاخير سيارة نفس الفئة نفس المحركات اشوف حرام تدفع فرق حوالي 32 الف وانت عندك خيار ارخص بكثير مايختلف الا اكسسوارات

خذ ستاندر بسعر الفل في خيارات أفضل أكورد أو افالون أو تورس

بسعر الفل تاخذ سيارات 6 سلندر مثل الالتيما

نفس المكينة والقير و الأمان و الضمان. اذا تهمك الإضافات و الاكسسورات ومستعد تدفع فوق ال30 الف خذها. لكن في شيء يقهر وقت البيع وهذا الشئ ينطبق على كل السيارات تقريبا. وقت ما تبيع الناس تتذكر سعر اقل نوع للسيارة حتى لو انك مطلعها اول مانزلت و من الوكالة و فل اوبشن, الناس وقت ماتبيع يتذكروا سعر اقل نوع ومن المعارض ووقت التصفية عليها :)

الحيره الي أنت انا وقعت فيها :

ونصيحة من اخو محب . ماعليك من الناس وكلامهم . عليك من الي تميل له نفسك . وعقبها اسمع كلام الناس واخذ الي على الواقع ولا تاخذ منهم خويي ولا ولد عمي معه ولابطيخة

انا قبل لاشتري المكسيماء . احترت بخمس سيارات :
جينسيس . لكزس es. سوناتا . تورس . مكسيماء:
طبعآ ميزانيتي كانت 100الف
الجنسيس اقل مالقيت 110 خليجي موديل 2015 .
لكزس es مالقيت نظيف للامانة وان لقيت فهو غالي من موديل 2011 الى موديل 2015
سوناتا : لقيت ستاندر بي 68الف الشكل الجديد
تورس : ستاندر بي 80 .
مكسيماء : ستاندر بي 91الف جديد

طبعآ أستبعدت الجنسيس واللكزس . الاولى فوق ميزانيتي والثانيه مافيه نظيف ...
ررجعت على ثلاث سيارات . تورس مكسيما . سوناتا ... مواصفات التورس قليلة وغالي . واستبعدته
وصفيت على سيارتين ... سوناتا مكسيماء .. وسبق نزلت سوال بحراج اللكل يقول صرفيت بنزين الخ ...

سوناتا . راح تعيش معك 5 سنوات وكثر الله خيرها .. ووقتها ام بتكون مفككة او راح تطلب قطع ..
مكسيماء . بتعيش معك من 6 الى 8 سنوات قدام .. وعقبه تبداء تفتح فمها ..

النهايه والي انتهيت فيه . انا وش حاجتي من السياره . سفر . عزم . صلابه . تححمل .مواصفات . ورسيت على المكسيماء
والحمدالله مرتاح معه الى الحين ...


انت شف نفسك وش تميل له . واخذه ستاندر ولا فل . واذ ميزانيتك تمام اخذ الي تبيه . انت انسان مراح تبيع الاعقب 5 سنوات واكثر اذ كنا من الاحياء ان شاءلله
يعني وقته تغيرت الدنيا وتغيرت الرواتب وكل شي بيتغير

انتظر ترى تغير الشكل ( فيس لفت)
يا تجي دفعه جديده ٢٠١٨ او بموديل ٢٠١٩ توصلنا

الله يعطيكم العافية جميعا

والله يجزاك خير ياكحيلان ويبيض وجهك ماقصرت ياغالي

الفل كامل مافيها كلام
اذا ميزانيتك تسمح خذه بدون ماتفكر
والفرق بالسعر موفرق في الإكسسوارات وبس مثل مالناس متخيله
الفل يفرق بالانوار المتكيفه مع لفة الدركسون
والرادار وتنبية عند الخروج من المسار
وتنبية للنقطة العمياء
مكيف خلفي
شاشة أمامية
مكيف خلفي
بروجكتر لعرض السرعة وضغط المكينة وغيرها من المعلومات ( على الزجاج الأمامي )
هذي كلها أشوفها اشياء تستاهل فرق السعر
ناهيك عن الجنوط
والزنون
والاصطبات الخلفية ليد
وفتحت السقف
والمراتب الجلد
والنياكل
والجناح الخلفي

عفواً مكيف خلفي مكرر مرتين وكنت أقصد الكاميرا الخلفية

انت اسال نفسك تحتاج المواصفات الخورافية والسيارة ستاندر ومواصفاتها حلوه ستادنر ب67الف 2018

الخلاصة لو معانا دراهم الفل ماشرينا ستاندر ..

شوف كل شيء مكتوب ومقدر 
انت اول انزل واتاكد هل موجودة الفل ولا لا ؟ يمكن يقول لك بعد شهر توصل هل تقدر تصبر ؟ 
عشان كذا اتاكد قبل كل شيء من الفئة وايضاً اللون 

انصحك انتظر التحديث الجديد شوف الفيديو https://www.youtube.com/watch?v=u4npdbPF2Jw