استفسار عن 2019 مازدا 6 فل كامل

السياره عندنا 16 روعه وافضل ما اخترت ككل السياره هي الافضل في فئتها سعر ومواصفات وصرف بانزين حقيقي
خلك من بطاقة الصرف , 19 غيرو شوي بالمكينه زادو العزم فيها يفيدك من جرب نفس موديلها

يعطيك العافية أخوي مسعد .. أنا بحثت كثير وفعلا بالميزانية اللي معايا تعتبر مازدا 6 أفضل خيار من ناحية مواصفات وقيمة
.. لكن ..
أشوف كثير عارضين سياراتهم للبيع أو للتنازل وغالبيتها ما مشت شي يعني عداد الكيلوات يا دوبه يقول بسم الله

فعشان كذا أنا تخوّفت وقلت أسأل الأول

ننتظر تجارب وآراء البقية

السيارة ممتازة اما الي عارضين للتقبل كثير طبيعي كل ماكانت سيارة منتشره

تنعرض كثير وفيه بعضهم يروح يدفع اقساط ومدري شبيسوي واخرتها يسوق موتر ما يجوز له

انا مازدا اشوفها حلوة لكن ماعجبتني فكم نقطه ضيقه شويتين وتجيب الكئابة الداخلية
وقاسيه نوعا ما وعزلها مو مره

اولاً الف مبروك والله يطعمك من خيرها ويكفيك شرها

خير ما اخترت سيارة اثبتت وجودها

وبخصوص صرفية البنزين اخت الالتيما موفره واقتصاديه



اما على موضوع التنازل اللي صاير

فالبعض الله يصلحهم يروح يطق له موتر وماهمه القسط
ولكن بعد فترة يظطر ياخذ له قرض زواج او بناء او مشروع

فيؤثر على راتبه وعشان كذا يقوم يتنازل عنها

انت شوف راتبك بالاول
واقل قسط تقدر تدفعه

ولاتنسى حق البنزين والصيانه تحسبها بعد

واذا شفت ان يمديك توكل على الله

وقسطها الاستاندر مايتعدى 1200 ريال والنص فل بعد بدون فتحه

مشكلتها القساوة وتغييرات القير تعطيك غيارين زيادة والعزم يضعف عشان توفير البنزين

هي ممتازة لكن اللي ماعجبني ضيقتها، جدآ ضيقة، واضح من اول ماتشوف مقاس المقاعد كأنها مخصصة لشرق اسيا او لناس اقزام والشنطة ضيقة، والسيارة شوي قاسية عند المطبات. 

يعطيكم العافية ... أتوقع ضيق المساحة هي فعلا اللي ممكن راح تكون مشكلة

فيه شي لاحظته في السيارة -- مافيها قفل مركزي -- اشوفه شي غريب من الوكيل يشيل شي مهم زي هذا من السيارة .. يعني المفروض يكون في كل السيارات في البابين الأمامية ويكون شي أساسي