صعوبة في فك وتغيير البواجي

مامعك الا الوكاله الله يعينك اكيد يعرفون طريقة فكها ولا تخلي الورش يلعبون فيها

وش استخدمت عشان تفكها؟
لا تجيب مفك البواجي المعروف هذا اللي على شكل T
جيب الرينش Wrench نفس هذا وركب عليه وصله طويله وحبه مقاس يركب على البواجي
https://i.imgur.com/133JlpP.png

ياخوي قبل تروح اي ورشه يفك لك البواجي علمه 
بقصتك واهم شي تتفق عليه انت وراعي الورشه اذا كسر بوجي بالمكينه
هو يتحمل تكلفة فك راس المكينه ولا المخرطه بعض سيارات
لازم فك راس المكينه عشان يطلع البواجي المكسورة انتبه تروح لواحد
مايعرف ويحاول فيها ويكسر لك البواجي ويقول لك مالي دخل
ويفكون مكينتك ويخربونها لك . لان صارت لي نفس سالفتك ومعاناتك
وكلهم قالو لي نفكها بس انت تتحمل تكلفة المخرطه وفك راس المكينه
ومارديت عليهم ورحت لواحد فاهم وقال ماعليك لو انكسر شي هو يتحمله
وفك البواجي بدون مايكسر شي وقبل يفكها اشوف يرش بخاخ على البواجي
وجلس اكثر من ساعه وهو يشتغل على السيارة وانت شف الميكانيكي
الفاهم ويضمن شغله واشتغل عنده اما يفك انت وحضك تتركها كذا احسن
لك من  وجع الراس  

اذا انت في الرياض علمني ادلك على واحد خبر بفك البواجي سواها معي بالفورد بغا اليماني يكسر البوجي الاخير ويبلشني بفك راس الماكينة لكن الله سلم ورحت عند هذا السور وفكها لي صحيح غويلي لكن شغله لا غبار عليه

قبل تركيب البواجي الجديدة قمت برش قليل حدا من محلول الصدأ على أسنان البوجي ، فأنصحك تعمل كذا عند التغيير القادم

خمس سنين مايصير يالغالي اكيد يتلتحم مع هالمده

احسن حل تحط مثل ماقالك عبدالله8799 حق الصداء وخلها يوم كامل

واذا جيت بتفتح شد وافتح شد وافتح باستمرار بعد كذا ان شاءلله يفك البوجي معك

صارت عندي بالورشة لسيارات كثيره صعب ينفك البوجي

استخدم بخاخ مضاد الصدأ الاصلي تلاقيه بساكو وخلها حوالي ساعتين
ومفك المخصص للسباكة والمسمى أبوجلمبو وعلى مهلك باذن الله تنفك

ولو متخوف روح لميكانيكي شاطر وحمله المسئولية لو انكسر البوجي هوا يتحمل غلطة

بشر اخوي وش صار معك ؟

والله لحد الان ماقدرت اغير البواجي خايف منها مع ان البواجي الي عندي سليمة وصافية لانها اصلية بس حبيت اغيرها لان صارلها فترة طويلة جدا اخر ميكانيكي طلب مني ان اخلي السيارة عنده يوم كامل يبخ عليها بخاخ ويتركها ومافضيت ولا يوم اقدر اتنازل عن السيارة

كيف عملت يا راعي المازدا ؟

حاولنا على مدار ٣ ايام كل يوم اروح الورشه ويرش مزيل الصدأ وبالاخر ما اتفك الا اثنين وحبتله بواحي جديده حق تويوتا نفس الموديل واستغرب لما فكهم قلي الباجي نظيفة جدا زي الوكاله حرام تتغير ورجعها