وش رايكم مازدا 6 2019 ستاندر

مازدا شركه رائعه وسيارتها ممتازه وخدومه وصبوره لكن مشكلتها وكيلها للاسف سيء .. احد زملاء العمل عنده ٢٠١٦ وما شاء الله كارفها وماشيه فوق ١٥٠ الف اغلبها خطوط وما اذكر انه اشتكى من اي شي عدا سوء خدمه الوكيل . فاتوقع الموديل ١٩ ما اتوقع فيه عيوب اي شي وان شاء الله الاخوان يفيدونك اكثر .. وبالتوفيق لك وللجميع

تمسك سعرها او تطيح ادخل موقع حراج و شوف موديل 2016 مثلا كم سعرها و تعرف تطيح او لا
مع العلم الشكل ما تغير له سنوات ولو نزلت 2020 بشكل مختلف تماما الشكل الحالي راح يطيح سعره
بعدين انت تبي تاخذ سيارة كم سنه حسب كلامه ماهو شهور عشان تقول تطيح سعرها او لا
تبي شيء تكون مرتاح فيه و يخدمك كم سنه حتى لو طاح سعرها بعدين ما فيه مشكله
هي اصلا ما تعتبر غالي
حتى لو بعد 5 سنوات جابت نصف سعرها او اقل تكون كديتها و خلاص
لو سعرها غالي نقول تسأل و تستفسر لكن سيارة مثل كذا تعتبر عمليه
شوف بعد 5 سنوات كم حطيت فيها صيانه
و شوف غيرها حتى لو يمسك سعرها اكثر تحصله حط صيانه و بنزين اكثر منها

المازدا معي وحدة 2016 من افضل السيارات اللي امتلكتها تماسك ورساوة
والحمدلله لها سنتين ونص تقريبا أو أكثر ما غيرت فيها غير كفرين وبطارية :)
على فكرة ما دخلتها الوكالة من يوم طلعتها وتغيير الزيوت أغيرها عند بنشري
أتعامل معاه من قديم لكن الأهم كل تغييره معاها السيفون والزيت 5/30 كاسترول بروفيشيونال
والله اني عديت 10000 أكثر من مرة :)
بالنسبة للعزل من موديل 2017 حسنوه حسب ما سمعت بتدبيل الزجاج وجلد الابواب
هو مزعج بالبداية لكن فترة تتعود وتنساه :)
السيارة انتشرت بشكل لافت والسعر حسب الحراج ماسكة سعرها
لكن للعلم الموديلات بعد 2016 زادت القيمة ممكن 10000 ريال :)

بالتوفيق وللأمانة عن نفسي ما راح أغيرها إلا بمازدا