أضف سؤال أو موضوع جديد          

تحذير من المازدا cx9

up 24 down 2
mohammed shareef 1048
قبل سنه و 9 شهر



السلام عليكم ورحمة الله وبركاته ، وصباح الخير للجميع 

الموضوع ومافيه ياجماعة الخير ممكن بعضكم لاحظ المازدا cx9 موديل 2015 و 16 في السوق وكثرتها على ممشى قليل جدا تحت ال ٥٠ الف أغلبها وارد الكويت وليست سعودية وهذا شئ يدخل الريبة والشك في النفس لدى المشتري 
المهم بعلمكم بقصة حصلت لي مع معرض الفرات في النسيم بالرياض ،،،كنت أبحث عن سيارة مازدا cx9 موديل 2015 وبعدها وجدت مازدا معروض بممشى ٣٣ ألف وفي الاعلان مكتوب مخزن وذهبت الى المعرض وشفت السيارة قلت ماشاء الله جديدة ولم يلحقني الشك في الممشى وقتها واتفقنا وأخذت السيارة بمبلغ ٧٤ الف ريال ،،وبعدها بيوم شاهدت القزاز الامامي مغير والغراء طالع من أطراف من القزاز ودخلني نوع من الريبة والشك وبحثت عن رقم الصيانة في الكويت والحمد لله وجدته بسهوله في قوقل وتواصلت معهم وقلت عطني آخر صيانة للسيارة هذي برقم الشاصي اذا كان عندها صيانة والحمد لله طلع فيه لها جدول صيانة  وهنا الكارثة ياجماعة الخير طلع آخر صيانة للسيارة شهر ١٢ سنة ٢٠١٧ على ممشى ٩٤١٠٢ يعني ممكن ماشية أكثر وفوق ال ١٢٠ الف ،، وتم التواصل مع راعي المعرض لاسترجاع السيارة والحمد تم استرجاع السيارة والمبلغ كامل ، وبعدها بلغت في برنامج كلنا أمن عن الموضوع قالوا اتجه لوزارة التجارة وبلغت وزارة التجارة قالوا ماهو اختصاصنا السيارات المستعملة اتجه لشيج المعارض وبلغت شيخ المعارض عن الموضوع اللي حصل وما أدري ايش سوى الحمد لله اني أخذت حقي بس لان الطاسه ضايعه ياجماعة ولا حد حولهم لاشرطة ولاوزارة تجارة ،، حبيت أبلغكم بالموضوع اللي حصل لي وتأكدو من السيارات الخليجية والله العظيم فيه تلاعب في العدادت غير طبيعي وتباع على أساس إنها مخزنه ، راعي المعرض الله أعلم عنه هل يدري بالموضوع أو مايعرف الرجال حلف وطلق إنه مايعرف أي شي عن الموضوع وان التلاعب حاصل في الكويت والله أعلم ،، هذا وصلى الله وسلم على سيدنا محمد وعلى آله وصحبه 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يرجال احمد ربك وبوس ايدك وجه وقفا ان فلوسك رجعت...


up 13 down 2
ابراهيم ابو جابر 74
قبل سنه و 9 شهر



الحمد لله اخذتهم بالصوت وحبيت أعلمكم والله ما حد حولكم لازم تشيكون السيارة مزبوط هاذولا حرامية ما يخافون الله


up 3 down 1
mohammed shareef 1048
قبل سنه و 9 شهر



وعليكم السلام ورحمة الله وبركاته

الله يجزاك خير عالتنبيه ونقل التجربة


up 2 down 1
فانتازي 1794
قبل سنه و 9 شهر



بارك الله فيك ، على نشر التحذير والتنبيه للعامة ، ولابارك الله في الغشاشين ،
تحول هائلة في الوزارات وسرعة إنجاز المعاملات الناس أغلب الوزارات اليوم تتجه لتطبيقات وتنجز كل شي وأنت في بيتك بلا وسطات بلا هم.


up 2 down 11
hofo 227
قبل سنه و 9 شهر



الله يعطيك العافية ماقصرت بصراحه بزمن هذا ماينفع تاخذ لك مستعمل الجديد يغنيك عن الورش الصناعية ويدوم حسب صيانتك واستخدامك لسياره شاكرا لك على ما تقدمه لناس جعله في ميزان حسناتك ي قلبي


up 3 down 1
هبووب الشمال 107
قبل سنه و 9 شهر



مشكورين جميع ياشباب والله يكفينا وإياكم شر ضعاف النفوس اللي ماعنده أي مشكلة يدخل جهنم عشان ٥ او ١٠ الاف


up 1 down 0
mohammed shareef 1048
قبل سنه و 9 شهر



الله يجزاك خير على التنبيه ويعوضك بخير منها والحمد لله اللي رجعت لك فلوسك
بالنسبه لي 74 الف احطها بسياره جديده حتى لو زدت عليها وطلعت اقساط اقساط وافتك من الغش والنصب
ويكون عندي سياره تكفيني 10 سنوات استخدام تحت يدي


up 3 down 0
fanar1 664
قبل سنه و 9 شهر



تم إضافة صور للسيارة وأكيد بيعرضونها مرة ثانية ماحد حولهم


up 0 down 0
mohammed shareef 1048
قبل سنه و 9 شهر



حسبنا الله ونعم الوكيل كلا يرميك على الثاني ويتنصل من مسؤوليته


up 3 down 0
أبو جـود 2746
قبل سنه و 9 شهر



امسح اسم المعرض حتى لا ينقلب الموضوع ضدك بقضية تشهير


up 6 down 0
compaq123 88
قبل سنه و 9 شهر



^^^ اكتبوا أسماء أمراء في قضايا فساد وذا الموضوع مثل قضية الفساد


up 4 down 3
mohammed shareef 1048
قبل سنه و 9 شهر



يارجال لو اشوف اي سياره نظييييفه جدا وخلفيه السياره في الصور بالحراج والمعارض اقفل الاعلان خير شر واختصر الشيطان


up 0 down 0
camaro28 806
قبل سنه و 9 شهر



بارك الله فيك 
كانت في البال والخاطر لولا تحذيرك 


up 3 down 0
ساري المفعول 87
قبل سنه و 9 شهر



بيض الله وجهك تصرف سليم منك.


up 1 down 0
abdu3abd
قبل سنه و 7 شهر



جزاك الله كل خير يا اخي


up 1 down 0
abu yazan 67994 1
قبل سنه و 6 شهر



بارك الله فيكم والدين النصيحة


up 1 down 0
الصالحي7867 1
قبل سنه و 4 شهر



للحصول على الرمز السري اخرج المومري
وطف السيارة
وافصل اصبع السالب لمدة يوم
وسيظهر الرمز السري 


up 0 down 0
الصالحي7867 1
قبل 5 شهر