أضف سؤال أو موضوع جديد          

الحمد لله انقرضت من السوق

up 13 down 1
mohammed shareef 1072
قبل 2 سنه و شهر



السلام عليكم ورحمة الله 
بفضل من الله ومنّه وبعد توعية الناس بالمازدا الخليجية وارد الكويت موديل 2015 اللي ٧٠ في الميه منها مرجعه عداداتها انقرضت من السوق أو شبه منقرضة بإستثناء معرض الامارات في النسيم باقي عنده مجموعة وانتبهوا منها استفسرت عن واحد منها ماشي ٣٧ ألف وطلع في الحقيقة ماشي ١٣٠ ألف واكيد الالوان الباقية نفس الشي ،، بس الحمد لله فيه وعي من الناس وانتبهوا للموضوع هذا ،،وبالنسبة لموضوع ترجيع العدادت هذي صارت ظاهرة ولازم تنتبهون منها وتعرفون السيارة بمجرد النظر في أشياء محدده وصدقني بتعرف اذا السيارة مخزنة أو ملعوب في عدادها 

منها : 
١- تاريخ الكفرات مستحيل تشوف مثلا سيارة ماشية ٢٨ او ٣٠ الف وكفراتها مغيره 

٢ - الطارة وشكلها اذا كانت ممسوحة خلاص اسحب على السيارة واعرف انها مكروفه

٣- القير  وأزرار المسجل نفس الطريقة اذا فيها مسحيه السيارة مكروفه 

٤ - القزاز الامامي والانوار آثار العج والسافي 

وفيه أشياء كثير تُعرف وتبان بمجرد النظر ، والله يكفينا وإياكم شر النصابين وصلى الله وسلم على سيدنا محمد وآله وصحبه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وأضف أيضا مقعد السائق خصوصا اذا كان جلد وانتبه من مسامير المقعد مايكون مبدل !!!
آخر فحص دوري بالتاريخ والعداد
صيانة الوكالة اذا توفر
الله يكفينا واياكم شر النصابين.


up 4 down 0
fsam 255
قبل 2 سنه و شهر



واضافة الدعسات حق البنزين والفرامل اذا كان فيها مسحية 


up 2 down 1
ابو حسين.......... 1024
قبل 2 سنه و شهر



مشكورين ياشباب وزي ما قلتو أشياء بالعين تشوفها العداد ماهو كل شي والمشكلة مافيه أحد يقدر يكشف تلاعب العدادات ما معك الا تكون نبيه وتشوف بعينك 


up 0 down 0
mohammed shareef 1072
قبل 2 سنه و شهر



فعلا ملاحظها بكثره بلوحات الجمارك وماشيه قليل
ولايغطي لوحة الجمرك لانه عارف مايمديك تجيب ماضيها ههههه

بالنسبة لزرار المسجل ماله دخل الي تمسح بسيارات قليه
مثل الجمس شكل 2007الى2014باقي الاشكال مدري عنها
وباقي السيارات ماتفرقه عن الوكاله
والقزاز والانوار ياكثر الي يطلع جديده ماتكمل الف كيلو وترمل
يسافر عليها بدون تغبيره ويتوهق اذا الخط غبار
بالنسبه لاابو حسين دعسة الفرامل والبنزين ماهي صحيحه
اغلب سياراتنا الي استخدمناها ماشيه فوق ال200الف
ودعستها ماهي ممسوحه مافيها الا العافيه ماتفرقها عن الوكاله الا بالغبار
لو اجيب ملمع جزم تكرمون والمعها ترجع وكاله ههههه
وهي اساسا جلده تقدر تفكها ياكثر المحلات بالغرابي يبيعون جلدة دعسة الفرامل
اما باقي كلامك صحيح خاصة الدركسون وعصا القير خاصه لو القير ارضي بيكون يده
على القير طول الوقت وتنعدم ومع العلم يدة القير يقدر يفكها ويغيرها ههههه



up 3 down 2
d7ooom777 389
قبل 2 سنه و شهر



اغلب السيارات الخليجيه مرجع عدادها


up 1 down 0
شكلين مابحكي 3160
قبل 2 سنه و شهر



يادحوم الله يرضا عليك ،، الترجيع مايحصل الا من قبل الشريطية يبغى يبيع السيارة بأكبر مكسب وبالكثير يسوي لها تلميع ب ٣٠٠ ريال اما انه يغير عصا القير والدعسات والامور هاذي صدقني مايسويها وكم من واحد انخم في كلمة مخزن 


up 0 down 1
mohammed shareef 1072
قبل 2 سنه و شهر



يازين الموتر وكاله حتى لونه غالي تفتك من الي مايخافون الله


up 1 down 0
nofs45 89
قبل 2 سنه و شهر



بس عندي ملاحظه المفروض اذا فحصت السياره بمركز محترم مثل كا تك أو الغروب يبين وضع السياره هل هذا صحيح ام لا ارجو الافاده


up 1 down 0
mkettaneh 1
قبل 2 سنه



^^^^ أطلق فحص في العالم مايبين لك اذا العداد منزل أو لا ما تقدر الا تبحث عن صيانة السيارة في الوكالة أو بترومين أو أي مركز معتمد ممكن يبان معك اذا الرجال مسوي صيانة فيها اما اذا ما كان مسوي ماتقدر تعرف صعبة جدا خصوصا العدادات الالكترونية 


up 0 down 0
mohammed shareef 1072
قبل 2 سنه



كيف الطريقة اللي تأكدت منها؟


up 1 down 0
mohshafei 1
قبل سنه و 11 شهر



عن طريق الصيانة في الكويت فيه رقم اتواصل معه ^^^


up 0 down 0
mohammed shareef 1072
قبل سنه و 11 شهر