نحتاج تجربة قيادة لسيارات المازدا
3
2
إضغط هنا للإخفاء
السلام عليكم ورحمة الله وبركاته،
تحيّة طيّبة،
يا ليت اللي يعرف مدير التسويق في وكالة الحاج يسوي فينا خير ويفصله من وظيفته،
يا جماعة الخير انا فريت محلات تأجير السيارات في الرياض ولا حصّلت لي أحد يأجر سيارات المازدا، رحت للوكيل وقال ما عندنا تجربة قيادة، إذا تعرف احد عنده السيارة خلّه يعطيك فرة وتشوف كيف ركوبها!! هل هذي وكالة محترمة؟!َ!
يا جماعة الخير كيف وكالة حصرية للمازدا ما تسمح لك بقيادة السيارة إلين تشتريها؟! وقسم بالله خسارة فيه الوكالة! وهو من اهم اسباب اتجاه الناس لوكالات ثانية وتردد الناس في شراء المازدا،
يا مدير التسويق! شغلتك انك تحبب الناس في شراء المازدا، هذي وظيفتك، يا رجل جاء رمضان وراح ما نزلتم اي عرض! ولا عندكم قيادة تجريبية ولا تبون الناس يشترون منكم!
ما قلنا حطوا في كل فرع قيادة تجريبية، بس عالأقل في العاصمة في فرعكم الرئيسي حط للناس سيارات يجربون سواقتها قبل ما يشترون،،،، سوو عروض لشركات تأجير السيارات (زي الوفاق والذيب...إلخ) وخلوهم يعرضون منتاجكم للجمهور والناس يجربون القيادة
اتمنى فعلاً يوصلكم كلامي يا وكالة الحاج ويا مدير التسويق، لعل وعسى ان نجد تغيُّر في سياستكم التسويقية.
إبلاغ
الردود
مع انها انتشرت مع الناس
عندنا بالديره اشوفها ويترددون عليها يومي دوام خطوط طويله ماشيه معهم عسل
1
1
موتر ناشف قاسي وضيق لكن راسي وعزمه حلو
3
1
كيف لو اشتريت من وكالتهم ودخل المرود في المكحلة مثل مايقولوا
والله لا يخلونك تصيح ليل نهار
شفت انت الآن تعاملهم بعينك فنصيحة لك ابعد عنهم
هذي اولها مايدري عن تاليها
3
1
هو نجح بتسويق سعرها بالسابق وحاليا ارتفعت اسعارها ومازال الناس تشتريها
لانها عملية ومواصفاتها حلوة لو الوكيل له منافس كانت عمت السوق لكن عيبها وكيلها
1
1
2
4
هي بديل الكامري بسعر اقل بنفس القير المعروف مهو CVT
على التيما و اكورد و اللي مهو مقتنع بالكوري
1
2
فانا اشوف انك تروح لوكالات ثانية تحترم عملائها والخيارات كثيرة وماراح احط منها انت شف بنفسك وللمعلومية
سيارات المازدا مع الايام بتطلع عيوبها وبين كل فترة وفترة تطلع عنها ولكن محد ينتبه او ينبه فقط فالحين بذكر السعر
اذا تبي الأكيد صل لله صلاة إستخارة وشوف بعدها هل تصمل مع المازدا او لا
قبل 5 سنه و 4 شهر