أضف سؤال أو موضوع جديد          

استشارة بخصوص استخدام مازدا CX5 2020

up 3 down 1
mhaaad 21
قبل سنه و شهر




اطلب نصيحتكم عن سيارة مازدا (CX5)، واعتذر عن طلب خبرتكم في هذا المكان المخصص للبيع، للأسف لا يوجد مكان آخر فيه تفاعل،

رغبتي في شراء السيارة ستاندرد (سياحي) (لا ارغب في كماليات الفل + سعر الستاندرد ممتاز)
السيارة عاجبتني بكل ما تعنيه الكلمة وفي خاطري وابيها ولكن للأسف ما فيه امكانية اسوقها واعرف وش انا مقبل عليه وهل تستاهل مكانتها اللي معطيها ولا لا،
- مخوفني اني اشوف ناس كثير عارضين السيارة للبيع بعد فترة بسيطة من الإستخدام،
- ما قد سقت السيارة هذي، ولا قد ركبت مع احد يسوقها،
- مريت كل المكاتب الكبيرة لتأجير السيارات ولا فيه أحد يأجرها!! ولا واحد!

احتاج مشورتكم،
- هل السيارة تستاهل الواحد يشتريها على عماه ويجربها بعد ما يطيح الفاس في الراس؟
- هل تظهر مشاكلها بعد ما تسوقها عشان كذا ناس كثير يعرضونها للبيع بعد فترة بسيطة من الإستخدام؟

شكـراً لكم.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لا طبعاً انا ضد انك تشتري سيارة ما سقتها قبل الشراء وجربت الراحة والعزل والعزم والمطبات

الا اذا انت ما تدقق وما يهمك يكون عزل ضعيف او عزم تعبان او قاسية مع المطبات...الخ كذا احسبها من ناحية اقتصادية وعملانية وتوكل على الله

انا مثلك مقبل على شراء سيارة وبحثت عنها اجار ولا حصلت وموقف عملية الشراء حالياً على امل احصل فرصة اجرب السيارة قبل اشتري واتورط

وفق الله الجميع


up 1 down 2
نديم الطيف 253
قبل سنه و شهر



اذا انت راغب  وهاوي  استخر وتوكل على الله ، الهوندا ماعليها كلام  موتر ممتاز  صبر وعملي وتكييف ومنظره جميل .


up 1 down 2
جبال معانيق 276
قبل سنه و شهر



عفوا المازدا بالغلط كتبت هوندا  والهوندا ايضا ممتاز 


up 2 down 1
جبال معانيق 276
قبل سنه و شهر



السيارة حلوة وقيادتها ممتعة استاجرتها فل كامل قبل سنة لمن كنت بايطاليا ومسكت فيه خطوط يومياً من ساعة الى ثلاث ساعات رايح جاي

مع العلم سيارتي الاساسية قراند ماركيز يعني فرق ما بين السيارتين وعاجبني الماركيز بالخطوط D:

لكن تبي نصيحتي الافضل تطلب تجربة قيادة للسيارة لان ما راح تقدر تحكم على السيارة من كلام الناس

جرب روح الوكالة واطلب تجربة قيادة او احد تعرفه عنده نفس السيارة ممكن تعمل عليها تجربة

والمعذرة على الاطالة ،،


up 1 down 1
grand maquis 3
قبل سنه و شهر



هو نفس المازدا 6 بالضبط مكينه و قير
اللي يفرق ممكن العزل القساوة و راحة المركب
تختلف من شخص لاخر
بنفس السعر قارن بينه و بين نيسان اكس تريل
اللي هو نفس مكينة و قير الالتيما CVT
الاكس تريل نص فل دفع رباعي مستمر
ممكن ارخص من المازدا الاستاندر دفع امامي
و متوفر بالمعارض اكثر من الوكالة



up 0 down 0
مثقف سيارات 1083
قبل سنه و شهر



واحد من الشباب كان عنده 2014 بصراحة سيارة خدومة ودفع رباعي مستمر وبنزين اخضر وماتصرف وتمسك سعرها وقت البيع لكن النقطة السلبية الوحيد هو ان الكفرات مقاس 19 وسعرها عالي نوعا ما 


up 0 down 0
zax_makkah 247
قبل سنه و شهر



الاخوان ماقصرو مع الاسف ماجربتها لقلة انتشارها
هذه حسب تقييم بعض المواقع الاجنبية
السيارة اداءها وصرفيتها جيدة وسواقتها ممتعة
قاسية شوي - عزلها لك عليه - سعرها مرتفع

التصميم الخارجي روعة والداخلية كئيبة شوي

استخير ربك ووسع نطاق خياراتك مثل الهوندا سي ار في او التوسان - الراف فور- سبورتاج - رينو كوليوس - نيسان اكستريل - ..الخ


up 0 down 0
salehhd 898
قبل سنه و شهر



اذا انك بالطايف او القصيم حياك الله السياره موديل 2019
اللي عندي تعال وجربها وخذ راحتك


up 2 down 1
سلطان الطائف 325
قبل سنه و شهر



ال cx9 افضل منها دور مستخدم نظيف تلقاها مع مدراء اكثر شي استخدام حشمة وصيانة وكالة 


up 0 down 1
benz lover -82
قبل سنه و شهر



شكــراً لكم جميعاً على تعليقاتكم،
أنا كنت محتار بينها وبين الراف فور لأن تصاميمها الخارجية شبابية نوعاً ما وانا عزوبي ما احتار الـCX9،

ابوجميل نزل الراف فور مكينته 2000 وبعدها طرحته من راسي وقررت على الـCX5،

اللي عنده علم ليش الناس يبيعونها بعد إستخدام فترة بسيطة يا ليت يفيدني، هذا شيء مسبب لي قلق وحيرة،

مجدداً .. شكراً لكم.


up 1 down 1
mhaaad 21
قبل سنه و شهر



اخوي السياره معي صراحه كجوده وتكييف وخدمه وصيانه
مالاحظت شي ،، السلبيه فقط اللي شفتها انها من الداخل تحس مافيها رحابه
شوي كأنها ضيقه وملمومه ع بعض ،، يعني انا ركبت مازدا زووم 6
فيه فىق صراحه الزوم شوي واسعه من الداخل ،

ثاني شيء سؤالك حق ان الناس تبيعها بعد فتره كيف حكمت ؟؟
اكتب كامري 2019 وتلاقي ناس تبيع واكتب لكزس وتلاقي ناس تبيع
مو شرط عيب ف السياره اي سياره واي موديل تباع وتشترى وتنزل بالحراج

ثالث شيء زي ماقلت لك فوق السياره معي لو حاب تجربها اهلا وسهلا
كعيوب للامانه مالاحظت الا الشي اللي ذكرته انها شوي ملمومه من الداخل

وبالمناسبه انا عزوبي مثلك وعاجبتني السياره جدااا


up 3 down 1
سلطان الطائف 325
قبل سنه و شهر