مشكلة ابغى مساعدتكم عندي بالمازدا

اذا عندك ارقام الاكوارد وعندك برنامج التلقرام، اكتب بالبحث حق التلقرام الروبوت عيد
هذا حق احمد الحربي واكتب له الكود ويبي يعلمك بالخلل وتقدر تستفسر منه

شيل بوجيه وكويل من سلندر آخر.
وبعد التركيب ارجع افحص كمبيوتر مباشرة.
يمكن الكويل او البوجيه غير مناسبات!

بعد ذلك، اذا استمرت المشكلة واعطاك مس فاير بنفس السلندر افحص بلف واسلاك وتجويف او حلق السلندر نفسه

انت غيرت بواجي و كويل

باقي لك شي واحد قبل تدخل في متاهه
بخاخ سلندر رقم ٢ بدله مع سلندر ثاني.. اذا تحولت المشكله للسلندر الثاني تكون المشكله من البخاخ

نعم البخاخ او الكويل لكن لا تشتري جديد بدل اماكنها الى السلندر اللي جنبها
واذا انتقلت المشكله له  اشتر جديد

والله يا اخوان عجزت مع السياره وديتها ميكانيكي قالو انه كان شغال بالوكاله الي هو نفسه الي غير البواجي والكويل

وبقت السياره عنده يوم كامل ولما جيت قلي خلص صلحناها قلت له وش المشكله قلي البوجي رقم 2 كان اصلا خربان الي ركبناه وركبت واحد ثاني

قلي جرب السياره وخبرني

يقلي انه شيك على الوايرات والبخاخات مافيهم اي شي

اليوم رجعت طلعت نفس المشكله كلمته قالي لازم تروح الوكاله لانه في كهربا زياده تدخل على الكويل وهذاا لشي يسبب عدم انتظام بالاحتراق الوكاله يعملوه عن طريق الكمبيوتر ويخلصو المشكله

ايش رايكم بالكلام هذا اذا قد احد صار معاه نفس الشي

الافصل تروح للوكاله. لا يجلسون يلعبون في سيارتك.
و ان شاء الله المشكله ماهي من الكمبيوتر لانها احد الاحتمالات.

اخواني حبيت اشاركم الي صار معاي طبعا اخذت السياره الوكاله وخبرتهم وش قال لي الميكانيكي طلبو 350 ريال للفحص وصار الفحص وقالو لي لازم تغير البخاخات والبواجي وفلتر طرمبة البنزين واختياري تغير طرمبة البنزين وكمبيوتر المكينه
طبعا خبرته انه عملت برمجه لكمبيوتر المكينه خبرني خلي السياره نعملها وثاني يوم قالي خلص غيرنا لك بوجيه وحده وعملنا لك برمجه

اخذتها كم يوم وجربتها والمشكله ما انحلت رجعت لهم وقلت لهم تفضلو

وكلمت الميكانيكي قلتله كلم الموظف حق الوكاله وقاله ايش طبيعه البرمجه الي يعملها

ثاني يوم رجعولي السياره وخبروني انه ما زبط ولازم تغير البواجي والبخاخات والفلتر حق البنزين واضافه بلف تنقية الوكاله وايضا تغير الطرمبه والكمبيوتر حق المكينه ولكن هذا اختياري

طبعا اشتريت بخاخ واحد وبوجيه وحده وفلتر البنزين والبلف بقيمه 815 ريال

لانو المشكله بالسيلندر رقم 2 فقط فما في داعي لتغير كل البخاخات والبواجي

واخذتها عند نفس الميكانيكي وتم التغير وراحت علامه المكينه والحمد لله وحتى التفتفه راحت والان السياره ما شاء الله تبارك الله ممتازه

حبيت اشارككم تجربتي للافاده

واشكركم جميعا للرد والمساعده