أضف سؤال أو موضوع جديد          

للأهمية مشكلة في البربك الالكتروني

up 1 down 0



السلام عليكم ورحمة الله وبركاته 
يا اخوان عندنا مازدا ٦ ٢٠١٩ 
علق علينا البريك او الجلنط الالكتروني  وما حنا عارفين نفكه واللمبة شغالة والسيارة ما تتحرك وش الحل يا اخوان افيدونا الله لايهينكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تحصل الماطور حق البريك الاكتروني تحت السياره فى الوسط الافضل تفكه وتغيره 
لاكن فيه حل ثاني يقطعون الواير حقه هذا ممكن توسويها لومتعطل مثلا على خط سفر الخ بس اذا كنت فى الديره وتقدر تروح تشتري الماطور اوالدينمو حق البريك الاكتروني روح اشتريه وركبه افضل لك 
فيه طريقه ممكن تضبط ارفع السياره ودق الدينمو حق البريك بحديده ولاعصا وجرب شوف فك معك 


up 1 down 0
k 6 4 i 1205
قبل سنه



اشكرك بنجرب عسى تزبط معنا 


لو بكره تروح بدري تلحق دوام الوكالة اخر يوم
اذا في فرع قريب مكان سكنك
ما انصحك تسوي شي لا تزيد المشكلة و السيارة شبه جديدة


up 1 down 0



اي نعم السيارة جديدة حنا مفكرين نشيلها بسطحة ونوديها الوكالة بس ممكن في حل غير فك الكفرات الخلفية وتحريك السنن 


ودها الوكاله افضل لك ضمانها ساري توها جديده ماشاءالله 


up 1 down 0
k 6 4 i 1205
قبل سنه



هذه مشكلة المواصفات والتطور والكهرب ظهور مشكلة جديدة في عالم السيارات لو ذكرت هذه المشكلة قبل 20 سنة لأعتبروها من الخيال . . . .

السيارة ما تتحرك بسبب الجلنط . . . . والسبب لأنه صار كهرب والكهرب بسهولة يخرب . . . . عش دهراً ترى عجباً . . . .

والمصيبة فيه توجه بإلغاء التعشيق اليدوي وجعله أزرار عشان صدق تكتمل . . فلا أستبعد بكرة نسمع عن واحد سيارته علق فيها زر الرويس فيضطر يوديها للورشة على الرويس


جرب افصل البطارية ساعة كذا

يمكن مجرد تعليق ويرجع يشتغل تمام


up 1 down 0



ان شاء الله يافهودي 

صدقت ياخارج المشكلة ان العادي افضل من الأوتوماتيك حنا والله بلشنا يعني بسبب زر مضطر انك تحملها بسطحة وتوديها الوكالة وشوف عاد كيف الخساير المفترض في زر امان للجلنط الاوتوماتيك مجرد ما يعلق تضغطه يفتح لك التعليق وش هالبدائية مع ذا التطور 

يانديم للأسف جربنا كل الحلول مافاد شيء والرجال ما يبي يفك الكفرات الخلفية ويحل السنن حقت الجلنط ممكن تصير مشكلة فالوكالة ويدورون زلة وما يصلحونها ع الضمان 


لو تحملها سطحة صاحب السطحة راح يسحبها بالدينمو وانت تقول السيارة ما تتحرك الافضل تشوف لك كهربائي يفحصها في مكاتها
حت لا تنعدم السيارة عند السحب


up 1 down 0



جرب تحط السياره بالD وتربط الحزام وتقفل الباب وتدوس بنزيل خفيف نقره ويفتح ان شاء الله


up 2 down 1
أبونواف00 803
قبل سنه



روح الوكالة وانشب لهم يطلعون معاك كهربائي يشوف حل للمشكلة وهي مكانها ويدخلونها الوكالة


up 1 down 0
salehhd 935
قبل سنه



شغل السياره
علق ع زر الجلنط لفوق لمدة ٣٠ ثانيه
علق ع زر الجلنط تحت لمدة ٣٠ ثانيه


كرر العملية.... وان شاء يفك..

سبب المشكلة اما انك تسحب الحلنط والسياره شبه ماشية
اَو تحمل السياره على P


up 0 down 0
asalami 2179
قبل سنه



ابو نواف صحيح كلامك طلع ان الحساس خربان ولازم تربط حزام الامان ولا ما راح يفك معك الجلنط   
الشباب الباقين شكراً لكم 


السلام عليكم

فيه حركه لازم تعرفونها يا شباب

اذا تبي تفك الجلنط الألتروني
اضغط على البصمه و دواسه البنزين و أضغط زر الجلنط تحت وخلك معلق عليه
كل الأشياء هذي تسويها بوقت واحد
وانت معلق على البنزين ومنزل زر الجلنط لتحت اضغط على البصمه ثلاث مرات متتاليه ( يعني تشغل السويتش وتطفي )
ألين تسمع صوت جهاز الجلنط وتطلع لك لمبة ان الجلنط مفكوك بالطبلون

اما تشغيل الجلنط من جديد
نفس الحركه بس زر الجلنط على فوق ألين تطلع علامه الجلنط المعتاده


up 0 down 0
فـيـfaisalـصل 15
قبل 11 شهر