أضف سؤال أو موضوع جديد          

مازدا فل كامل أو كامري نص فل

up 1 down 2
vantom92 25
قبل 3 شهر و 3 أسبوع



السلام عليكم اخواني انا محتار بين مازدا ٦ او كامري GLE 

المازدا ٦ فيها فتحة - رادار - نقاط عمياء - جنوط ١٩ - نظام صوتي بوز
- بروجكتر - ٦ ايرباق - كاميرات ٣٦٠
ولكن وكيل مازدا سيء 


الكامري مافيها الا اسمها بس .. غالية عشان شعبيتها فقط 

سعر المازدا ٦ شامل الضريبه ١١٧ الف 
سعر الكامري شامل الضريبه من ١١٦ الى ١٢٠ الف


وش رايكم ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المازدا كمواصفات.. تتفوق وبجداره عن الكامري
بالنسبه للوكيل.. مع زميل لي مازدا cx5 المشكله الوحيده هي ان حجز موعد للصيانه خصوصا بالعاصمه الرياض ياخذ يمكن شهر او اكثر.. فيظطر يسوي الصيانه بالخرج
لكن كسعر صيانه دوريه كل ١٠ الاف يعتبر ارخص صيانه.. صيانه ال١٠ و ٢٠ و ٣٠ كانت ب ٤٤٨ ريال وصيانه ال٤٠ كانت اتوقع ٧٠٠ او ٨٠٠ وبعدها ترجع لل٤٤٨

وللعلم المازدا صارت تمسك سعرها مثل الكامري ما شاء الله

ونصيحة محب.. احرص على الالوان الفاتحه.. اعرف ان المازدا ٦ حلوه عليها الالوان الغامقه.. لكن والله متعبه جدا بالنظافه وتغسلها اليوم وبكره تغبر وتبان فيه دوائر وخدوش الغسيل.. فعشان كذا شوفلك لون فاتح والله يبارك لك مقدما


up 3 down 0
ابوخالد1397 2880
قبل 3 شهر و 3 أسبوع



الله يجزاك خير ابوخالد ،، يعني تنصحني بالمازدا ؟ بالنسبة للصيانه فيه مراكز معتمده من الوكيل للصيانه ماتلغي الضمان ومواعيدهم سريعه 


up 1 down 0
vantom92 25
قبل 3 شهر و 3 أسبوع



أنصحك باللي نفسك فيهر.. استخر ربك.. وشوف وش تميل له نفسك
انا مع المازدا بصراحه.. وحسيتك من كلامك وسردك للموضوع انك معجب بالمازذا اكثر من الكامري. مع ان الكامري يغلب عليها الشعبيه والمعروفه لا تعرف
فاستخر الله وبعدها قرر
واسال الله يطرح لك البركه فيما تختار
والف مبروك مقدما


up 1 down 0
ابوخالد1397 2880
قبل 3 شهر و 3 أسبوع



وهالجمله قلتها لزميلي
المازدا ميزته انك وانت تدفع قيمته.. تحسه يستحقها
واخص بذلك فئه الفل كامل
مواصفاتها مثل مواصفات الالماني وتحس فلوسك راحت بشيء يستاهل
وفالك كل التوفيق يالحبيب


up 1 down 1
ابوخالد1397 2880
قبل 3 شهر و 3 أسبوع



صدقت والله الكامري حرام فيها ١٢٠ .. فقيرة مواصفات بالمقارنه مع المازدا 

والله يبارك فيك، شكرا لك 


up 1 down 1
vantom92 25
قبل 3 شهر و 3 أسبوع



مستغرب من الناس اللي تشتري بعد زيادة الضرائب !
و سيارات فل كامل بعد ! و ممكن بقرض او تقسيط
١٥ الف ضريبة ال١٠٠ الف تجيب لك سيارة تمشي حالك اللي مرة محتاج
الافضل الانتظار الى ٢٠٢١ عالاقل لعل الوضع الاقتصادي يتحسن او الى ٢٠٢٢


up 2 down 0
مثقف سيارات 1063
قبل 3 شهر و 3 أسبوع



المازدا اضيق من الكامري اذا يهمك ذا الشيء
غير كذا المازدا عال العال


up 0 down 0
حسن الوفي 3
قبل 3 شهر و 3 أسبوع



حط في بالك ان المازدا بتتغير 


up 0 down 0
abdulmohsen 8760 122
قبل 3 شهر و 3 أسبوع



الضمان سوي الصيانة بمراكز معتمده مثل بترومين وغيره


up 0 down 0
mfh2009 345
قبل 3 شهر و 3 أسبوع



والله وانااخوك انت من كلامك باين عليك مقتنع فى المازدا خلاص توكل على الله وخذها لاتاخذ شي ماعجبك نصيحه اخ خذ الموتر الي عاجبك ومرتاح له وقبل كل شي لاتنسى تستخير والله يبارك لك فيها مقدما 


up 0 down 0
k 6 4 i 1105
قبل 3 شهر و 3 أسبوع



الكامري اشوفها نازلة عالارض مادري كيف هي مع المطبات
رغم شكلها جميل ومواصفاتها اخبر مو بذاك الزود مافيها ٣٦٠ درجة ورادار وو
شوف اش اللي يستاهل في نظرك واقرا عن المواصفات ومشاكل كل منها
شور الناس واختلاف الاراء في الاخير بتشتري سطحة هههههه
والمازدا معروفة في جودتها وصارت شعبية لكن مع الضريبة اشوف سعرها ارتفع مثلها مثل تويوتا تقريبا رغم قلة الفئات اللي فيها
لو الوكيل شاطر ويخلي سياراته مثل ٢٠١٦ يوم كانت اسعارها مقبولة اويتحمل هو الضريبة كان تلقى طواببر الناس تشتري عنده مثل البيك ههههه
وفالك التوفيق




up 1 down 0
ابو عبدالله احمد 3497
قبل 3 شهر و 3 أسبوع



على طاري النزول على الارض
اشوف سيارات انتشرت اكثر من السيدان
و من مازدا في CX5 و CX9
اما تويوتا من نزل الراف فور بقير CVT
ما في فرق عن نيسان اكستريل اللي بينزل شكل جديد 2021


up 0 down 1
مثقف سيارات 1063
قبل 3 شهر و 3 أسبوع



الكامري المطور كنا ناخذها 57500 الله يالدنيا


up 1 down 1
abdulaziz310 89
قبل 3 شهر و 3 أسبوع




السيارات بتنزل صدقني

شويات خمس شهور لو تصبر وبتنزل فئات افضل


up 0 down 0
الاستراتيجي1 16
قبل 3 شهر و 3 أسبوع



السلام عليكم اخواني جميعا
يخي هذا مو وقت شراء سيارة اصبر شوي لين تتضح الامور الزيادة يمديك تستاجر سيارة قريب سنه لا تتسرع


up 1 down 0
ra3d777 486
قبل 3 شهر و 3 أسبوع