استفسار عن فلتر K-N للمازدا 3

الفلتر مايزود الا مابين 5 الي 8 احصنه يحتاج تنضيف وله اداوت تنضيف خاصه به اداءه يختلف في الصيف اداءه حلو لكن بالبرد اداءه سيئ لنه مفتوح الشي الاخر يحتاج برمجة داينو ولا مابتستفيد منه في تركيبه وممكن تخبط المكينه بدون برمجه لنه بيكون اختلاف بين خلط الهواء والوقود داخل المحرك وبيصير الهواء اكثر من الوقود 

تقصد K&n الي يجي مع انتيك ولا فلتر يركب مثل فلتر الوكالة..؟

انا مركب فلتر K&N مثل فلتر الوكالة ويركب مباشرة بدون اي قطعة اضافية .. والله الفلتر ممتاز جدا .. واحسن شي عجبني فيه ان يتنظف بعد فترة 50 الف ميل او 25 الف ميل لاجوائنا المغبرة .. وادوات التنظيف تكلفك 100 ريال والله اعلم .. انا ماقد نظفته من سنة واشوفه تمام ومركب على لومينا 2008 اس اس ووما شاء الله عززم صح وصرفية بنزين اقل .. عكس فلتر الوكالة تشتريه ب110 ريال وبعد شهر يرجع يطيح العزم ولا تقدر تنظفه .. انا اسمع بعضهم يقول ترفع ريس المكينة وماعتقد هالكلام صحيح او راح يضر المكينة اهم شي اختار الفلتر مناسب لموديل سيارتك وحجم المكينة وان شاء الله مافي مشاكل..

ومكان البيع للاسف ماعندي علم .. بس انصحك اخوي تطلبه من برى من امازون او ebay .. وانا كلفني 290 ريال مع تكاليف الشحن..
ادخل هنا وبتشوف خيارات ع جنب اختار سيارتك والموديل وحجم المكينة وخذ اسم القطعه وشوف كم سعرها في امازون او ebay والارخص اشتريه ..

واذا تقصد صوت المكينة ؟ انا ما حسيت بـ اي اختلاف.. يمكن عشان بدون انتيك الله اعلم..
وبالتوفيق..

نسيت اضع الرابط
http://www.knfilters.com

اخوي برنس : يعطيكـ العافية بس ما اعتقد ياثر في المكينة ابدا لانه صناعة عالية وشركة وما قد شفت احد اشتكى ابدا !
اخوي لومينا SS : والله كفيت ووفيت ماشاء الله عليكـ ما قصرت , وايوة طبعا انا اقصد زي اللي انته مسويه ,, 
بس استغرب واختلف معاكـ في نفس الوقت في نقطة ان ماله صوت !!! , غريبة لانه ترا يطلع نغمة حلوة قدام ناحية المكينة وشفت مقاطع كثير
عالعموم انا افكر واستخير قبل ما اسويه . والف شكر مجددا !

ممكن ماتقتنع بكلامي بس روح اسال المختصين والفاهمين بالبرمجه وراح تفهم معنا كلامي بدون برمجه الفلتر ماله اهميه لنه السياره منضمه عن طريق الكمبيوتر بنسبة هواء ونسبة وقود متوازنه على حجم صندوق الهوا عند تركيب مابيكون مثل البرمجه لنه كمية الهوا لم تقاس وماراح تشوف الفرق الي الي تحسه لنه الهوا الي داخل للمكينه اكثر من كمية الوقود ثاني شي معلومة ان الفلتر يختلف اداءه بين الصيف والشتاء هاذي انا واثق منها لنه انا استخدم فورد وجربنا بالبرمجه انه الصندوق البوليسي اداءه ثابت بينما الفلتر اداءه ينقص في الشتاء لنه مفتوح وروح اسال مبرمجين الداينو وراح يعطونك الخبر الاكيد   

اخوي برنس : والله ابدا انا ما قلت ماني مصدقكـ بس مستغرب لانوا اول مرة اسمع هذي المعلومة , عالعموم انا منزل الموضوع 
ابغى اللي زيكـ يفيدوني وهذ هوا المهم ^_^ , ووالله الصراحة بعد معلوماتكـ وانوا فيها برمجة وما برمجة وبرد وحر شكلي هونت للاسف مع انوا كان نفسي اسويه
ولسبب واحد زي ما قلت ما همتني الاحصنة ولا القوة انا اهم شي عندي الصوت , عالعموم يعطيكـ الف عافية ما قصرت يالغالي !

الفلتر لتعديل وزيادة الاحصنه  تبي صوت قصدك صوت القزوز عندك دبات مقنا فلو صوته حلو وهي افضل شي وروح منتديات التعديل يفيدونك اكثر من هنا 

اخوي الفلتر ما يطلع صوت ,,لو ركبت انتيك مع الفلتر يجيك صوت خفيف وحلو ويزيد العزم بس انتبه يدخل عليه مويه لانو لو دخل مويه تضرب المكينه ..وانصحك ركبو لانو يعطيني عزم حلو ,,وازا انت بجده في محل اسمو السياره الرياضيه في التحليه عند سوق الحفني تحصلو عندو ..وشكرااا

- هل تضر المكينة (أرجوا الاجابة من مجرب) "اهم سؤال" الرد لا ما يضر بالعكس يريح المكينه بس انتبه يجي عليه مويه وانصحك تحطو في مكان يدخل الهوا فيه
...- كيف صوتها وهل تزيد العزم ؟ الرد الصوت حلو وتزيد العزم بشكل خفيف ...
- هل زي ما يقال ان الفلتر يجب تنظيفه بعد فترة وله بخاخ خاص ؟ نعم
- مكان بيعها في جدة ؟ وكم سعرها ؟ الحفني شارع التحليه السياره الرياضيه السعر مع الانتيك ممكن من 700 وانت طالع على حسب النوع ..وشكرااا

برنس : نعم انا مسوي ماقنا فلو من زماااان ومن نفس المحل كمان (السيارة الرياضية) جدة ^_^ , بس والله ما ادري انوا عندهم الفلتر
وكويس على كذا باذن الله اروح آخذلي واحد من عندهم !
برنس الله يعطيكـ الف الف عافية ونورتني ,