أضف سؤال أو موضوع جديد          

زيت القير لمازدا 6 2016

up 0 down 0
moaz012 47
قبل 6 شهر و أسبوع



السلام عليكم والرحمة

اخواني عندي مازدا 6 موديل 16 ماشية الحين 110 واللي مستغرب منه زيت الجيربوكس عند الوكالة يقولون مايتغير بس مع الصيانة نشيك عليه اذا ناقص نزود؟!!

طيب لو ما ابغى ادخلها صيانة ايش الوضع؟ هل احد جرب يغير الزيت ممكن يفيدنا 

واللي اعرفه ان زيت القير يتغير كل 80 كم، واذا مشى اكثر تشوف الزيت اذا فيه رايش "برادة الحديد" يكون احسن ماتغيره لانك لو غيرت يخبط، طبعا هذي المعلومة للسيارات الاوله، المهم اللي عنده اضافة يتكرم 

تحياتي ♥️







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


نصيحة اتركك من قيل وقال وقالوا وسمعنا ويقولون والي اعرفه واعتقد ووووووو. الخ...
الفصل الحقيقي والجواب الكافي. تلاقيه في كتالووج السيارة المُرفق بالدرج.
تعب روحك شوية قراءة وتلاقي المسافة المحددة بالتمام لفحصه ومسافة التغيير بالدقة.
وروح الوكالة وبدون سؤال اطلب منهم التغيير حسب الكتالووج.
موظفي الوكالة صدقني اغلبهم متدربي معهد وخاصة بالصيف تطبيق عملي .




up 2 down 1
ابو.نايف999 139
قبل 6 شهر و أسبوع



لو فتحت كتالوج السيارة قسم الصيانة ما راح تلاقي متى تغيير زيت قير (الشركة تقول ما يحتاج تغيير)
لاكن ما حد اقتنع بالكلام ذا لان كل شي له عمر افتراضي , والوكيل عندنا كل فرع يقول كلام
مرة تلقاه يقولك 60 الف ومرة 80 الف ومرة 100 الف


up 2 down 1
hassan.h.h 9
قبل 6 شهر و أسبوع



غيره بسرعة المفروض كل 70 الف يتغير


up 0 down 1
mfh2009 201
قبل 6 شهر و أسبوع



ارجع للكاتالوج و تلقى الإجابة و فعلا بعض السيارات الجديدة ماتحتاج تغيير زيت قير


up 0 down 0
أبو راشد 33 916
قبل 6 شهر و أسبوع



غيره وريح بالك .



up 0 down 0
ابوسلطان 12 278
قبل 6 شهر



فعلا القير زيتيه مايتغير علي حسب الكتالوج وكلام الوكيل بس اكتب في قوقل تغير زيت قير مازدا تحصل تقرير واحد غيره وانا عندي مازدا ٢٠١٦ أمس سحبت العيار وشفت الزيت وحسن لسا باقي له وقت والسيارة ماشيه ٩٥ الف ولغيره بحول الله وقوته قريب اذا كملت ١٠٠ الف بصراحه مع اجوائنا وكرفي للسياره بغيره وهو كله ثلاث علب وقير المازدا حجمه صغير استغربت من حجم القير وعيار الزيت للمعلوميه موجود تحت فلتر الهواء تفك الهوايه تشوفه عليه مسمار مقاس ١٠ الشغله سهله شيك زيت القير بنفسك


up 0 down 0
فهداحمدالسلوم 68
قبل 4 شهر و 2 أسبوع



وحسيت* اعتذر عن الأخطاء الاملائيه


up 0 down 0
فهداحمدالسلوم 68
قبل 4 شهر و 2 أسبوع



هذا مقطع لتغيير زيت القير
https://www.youtube.com/watch?v=M03WpB8qbIk


up 0 down 0
haidar87 10
قبل 3 شهر و 3 أسبوع